“መንግስቲ ኢትዮጵያ ንከተማ ሽረ ተቖጻጺሩ”ሮይተርስ

ኣገልግሎት ዜና ሮይተርስ ንኽልተ ዲፕሎማሲያዊ ምንጭታትን ሰራሕተኛታት ረዲኤትን ብምጥቃስ ከም ዘስፈሮ፡ ፈደራላዊ ሓይሊ ኢትዮጵያን ምስኡ ሓቢሮም ዝዋግኡ ዘለዉ ሓይልታትን ንከተማ ሽረ ሎሚ ሰኑይ ምቍጽጻሮም ኣፍሊጡ።

ኣሽሓት ውሽጣውያን ተመዘበልቲ ምሓዛ ዝንገረላ ከተማ ሽረ ካብ ርእሰ-ከተማ መቐለ 140 ኪሎ-ሜተር (90 ማይላት) ርሒቓ ትርከብ)። እዚ ሓድሽ ምዕባለታት ዝኸውን ዘሎ ዋና ጸሓፊ ሕቡራት ሃገራት ኣንቶኒዮ ጉተረዝ ግጭት ኢትዮጵያ ልዕሊ ምቍጽጻር ከይዱ ንህይወት ሰለማውያን ይቐትል ብምህላዉ ቅልጡፍ ምቍራጽ ተጻብኦታት ክግበር ኣብ ዝጽውዓሉ ዘሎ እዋን’ዩ።

ኣገልግሎት ዜና ሮይተርስ ብዛዕባ’ቲ ዝካየድ ዘሎ ወታሃደራዊ ግጥም ግብረ-መልሲ ንምርካብ ካብ ሚኒስትሪ ምክልኻል ኢትዮጵያ፡ ኣፈኛ ህወሓት፡ መንግስቲ ኤርትራን ዝገበሮ ፈተነ ኣይሰለጠን።

በበይኖም ኣካላትን ዲፕሎማሰኛታትን ዝቕጽል ዘሎ ኲናት ነቲ ድሮ ኣዝዩ ኣሸጋሪ ኰይኑ ዘሎ ሰብኣዊ ቅልውላውልዋ ከግድዶ ምዃኑ ስክፍታኦም ክገልጹ ጸኒሖም’ዮም።