ኣብ ክልል ሶማልያ ከተማ ቦምባስ ዝሓለፈ መጋቢት 11 12 ኣቆጻጽራ ዕለት ኢትዮጵያ ብሓይልታት ጸጥታ ክልልን ዝዓጠቑ ውልቀሰባትን ብዝተወስደ ካብ መጠን ዝሓለፈ ናይ ሓይሊ ስጉምቲ 11 ሰባት ከም ዝሞቱን ብውሕዱ 33 ሰባት ከምዝቖሰሉን ኮሚሽን ሰብኣዊ መሰላት ኢትዮጵያ ኣፍሊጡ።
እቲ ግጭት ዘጋጠመ ባህላዊ መራሒ እንዳ ማለት ሱልጣን ንምምራጽ ኣብ መንጎ ዝተኣከቡ ሰባትን ኣካላት ጸጥታን ብዝተፈጥረ ዘይምርድዳእ ምዃኑ ኢሰመኮ ሓቢሩ`ሎ።
ንቤተሰብ መወትን ጉድኣት ንዝወረዶምን ካሕሳ እንተተኸፍለ`ኳ ነቲ ገበን ዝፈጸሙ ኣካላት ግን ተሓተቲ ክኾኑ ኣለዎም ኢሉ እቲ ተሓላቒ ሰብኣዊ መሰል። ብዛዕባ`ዚ ካብ ክልል ሶማልያ ዛጊት ሓበረታ ኣይተረኽበን ይብል ጸብጻብ ከነዲ ኣባተ።
