ፕሮግራም መግቢ ዓለም ናብ ትግራይ መካይን ሓገዝ ከም ዝለኣኸ ይሕብር

(ዋሺንግተን ዲሲ 04/14/22) ፕሮግራም መግቢ ዓለም ቀረባት ህይወት ኣድሕንን ካልእ ሓገዝን ዝጸዓና 47 መካይን ናብ ክልል ትግራይ ምብጋሰን ኣብ ናይ ትዊተር መልእኽቱ ኣስፊሩ። ፕሮግራም መግቢ ዓለም ወሲኹ፡ ነቲ ዝድለ ሰብኣዊ ሓገዝ ንምብጻሕ’ው ሰለስተ ነዳዲ ዝጸዓና መካይን ናብቲ ቦታ ምምራሐን ወሲኹ ኣሎ። ዛጊት እቲ ጕዕዞ ብዘይ ዕንቅፋት ይቕጽል ምህላዉን ብዅላቶም ወገናት ዘድሊ ምትሕብባር ይርአ ከም ዘሎን’ውን ኣብቲ ናይ ትዊተር መልእኽቲ ኣመልኪቱ ኣሎ። ሚኒስተር ዴታ መራኸቢታት ኢትዮጵያ ዝዀና ሰለማዊት ካሳ’ውን ነቲ ዝተባህለ ሓበሬታ ቅኑዕ ምዃኑ ሓቢረን ኣለዋ።