ጓል 21 ዓመት ፕሮፈሽናል ተቐዳዳሚት ብሽክለታ ደሴት ኪዳነ ዝሓለፈ ሰሙን ካብ ኣስመራ ውጽእ ኣብ ዝበለ ቦታ፡ ምስ ብጾታ ኣብ ልምምድ ከላ ብዘጋጠማ ሓደጋ ሂወታ ምሕላፉ ይዝከር።
ንሎሚ ብዛዕባ ደሴትን ሓደጋታት ንምድሓን ብዛዕባ ክግበር ዝግብኦ ጥንቃቐን፡ ተወልደ ወ/ገ ንተሸላሚ ሻምፒዮና ዓለም ቢንያም ግርማይን፡ ጋዜጠኛ ስፖርት ኮይኑ ኣብ ተለቪዥን ኤርትራ ነዊሕ ዝሰርሐን : ዋና ኣሰናዳኢ መርበብ ሓበረታ ሃገራዊ ኮሚቴ ኦሎምፒክስን; ሳምሶን ሃይለን ኣዘራሪቡ`ሎ፡-
ዓለም-ለኻዊ ፈደረሽን ብሽክለታ(UCI) ብሕልፈት`ታ ማእከል ስሕበትና ኔራ ዝበላ ደሴት ኪዳነ ከምዝሓዘነ ክገልጽ ከሎ፡ ማእከል ብሽክለታ ዓለም ዝተባህለ ብወገኑ፡ ኣባል UCIን ኣባልናን ትዕንብብ ዝነበረት ደሴት ብሓደጋ ሙሟታ፡ ሕብረተሰብ ብሽክለታ ኣፍሪቃ ብፍላይ፡ ማሕበረሰብ ስፖርት ዓለም ድማ ብሓፈሽኡ ዓቢይ ክሳራ ወሪዱና`ዩ ብምባል- ብሰላም ክትዓርፍን- ንቤተሰባ ጽንዓትn ተመንዮም።
ደሴት ኪዳነ ኣብ 2018 ክለተ ወርቂ መዳልያ ብምርካብ፡ ሻምፒዮና ደቂንስቶ ኣፍሪቃ ፡ ኣብ ዝተፈላለየ ክፋላት ዓለም ድማ ዘዕግብ ዓወታት እናመዝገበት ዝመጸት ምዃና ይፍለጥ`ዩ።
ምስ ቢንያም ግርማይን ሳምሶን ሃይለን ዝተገብረ ቃለ-መጠይቕ ኣብዚ ምስማዕ ይክኣል።
