ትማሊ ሰንበት ምሸት ኣብ ክፍለ-ግዝኣት ካሊፎርንያ ከተማ ሎስ ኣንጀለስ ኣብ ዝተኻየደ ዓመታዊ ናይ ኦስካር ሽልማት፡ The Shape of Water ዘርእስታ ፊልም ዝበዝሐ ሽልማት ክትረክብ ከላ፡ ብፍላይ ኤርትራዊት-ኣመሪካዊት ፍልጥቲ ተዋሳኢት ቲፍኒ ጸሃየ ሓዲሽ፡ ንባህሊ ሃገራ ዘንጸባርቕ ዙርያ ተኸዲና ቀይሕ ምንጻፍ ብምርጋጻ ፍሉይ መልክዕ ዝሃበ ምርኢት ኔሩ።
እቲ ምሸት ካብ ሆሊውድ ካልኦት ኣፍሪቃውያንን ትውልደ-ኣፍሪቃን ብብዝሒ ተዋሳእቲ ዝተረኸብሉ ምንባሩ ኣብ`ቲ በዓል ዝተረኽበ ወኪል ቪኦኤ ዙማ ኮምፓወሬ ሓቢሩ`ሎ።
ኤርትራዊት ኣመሪካዊት ተዋሳኢት ቲፍኒ ሓዲሽ ኣብ`ቲ መድረኽ ሽልማት ቀሪባ ንሕጹያትን ተዓወትን ካብ ዘፋለጡ ሓንቲ ኔራ።
ኣቐድም ኣቢላ ብዛዕባ ዝተከደነቶ ዙርያ ክትዛረብ ከላ፡ ንዝኽሪ`ቲ ዝሓለፈ ዓመት ዝዓረፈ ኣቦኣ ጸሃየ ሓዲሽ ክትብል ባህሊ ኤርትራ ዘንጸባርቕ ዙርያ ተከዲና ከምዝመጸት ገሊጻ ኔራ።
ምሉእ ጸብጻብ ሽልማት ኦስካር ኣብ`ዚ ምስማዕ ይክኣል
