ሒደት ሰዓታት ሚኒስተር ምክልኻል ኣመሪካ ጀምስ ማቲስ ሎሚ ረቡዕ 27 መስከረም ኣብ ካቡል ኣፍጋኒስታን ድሕሪ ምእታው፤ መዕርፎ ነፈርቲ ካቡል ብተወንጨፍቲ ሮኬት ተጠቒዑ።
በቲ ናይ ተወንጫፊ ሮኬት መጥቃዕቲ ሓደ ሰብ ክመውት እንከሎ ካልኦት ብርክት ዝበሉ ከምዝቖሰሉ ድማ ተፈሊጡ።
ሚኒስተር ምክልኻል ኣመሪካ ጀምስ ማቲስ ኣመሪካ ሓድሽ ኣርቂቓቶ ዘላ ስትራተጂ ንጉዳይ ጣሊባን ኣብ ኣፍጋኒስታን መዕልቦ ዝገብር ምዃኑ ገሊጾም።
ጣሊባን ነቲ መጥቃዕቲ ሮኬት ከምዝፈነዎ ብምግላጽ ዕላምኡ ንነፋሪት ሚኒስተር ምክልኻል ኣመሪካ ጀምስ ማቲስ ንምህሟኽ ዝዓለመ ምንባሩ ድማ ኣፍሊጡ።
ነቲ መጥቃዕቲ ዳዕሽ ብወገኑ ሓላፍነት ከምዝወሰደ ብተወሳኺ ተፈሊጡ።
