ኣብ ሞንጎ መንግስት ሊብያን ተቓዋሚ ጉጅለኡን ሎሚ ሰሉስ ቅድመ-ኹነታዊ ስምምዕ ምቁራጽ ተኹሲ ክኽተም ሎሚ ትጽቢት ይግበር።
እዚ ብሞንጎኝነት ሓድሽ መራሒ ፈረንሳ ኢማኑኤል ማርኮኒ ተሸምጊሉ ክኽተም ትጽቢት ተገይሩሉ ዘሎ ተኹሲ ናይ ምቁራጽ ስምምዕ: ኣብ ሞንጎ ቀዳማይ ሚኒስተር ሊብያ ፈይዝ ኣል ስራጅን ኣብ ምብራቓዊ ሊብያ ዝርከብ ተቓዋሚኡ ኮማንደር ከሊፋ ሃፍታር ምዃኑ ብተወሳኺ ተሓቢሩ።
እቲ ድፊ ስምምዕ ብዘይካ ኣብ ኩነታት መኸተ ግብረ-ሽበራ:ዝኾነ ወተሃደራዊ ሓይሊ ዘይምጥቃም ዝብል ትሕዝቶ ከምዘለዎ ድማ ተገሊጹ።
ብዘይካዚ እቲ ንድፊ ስምምዕ ክልቲኦም ወገናት ብዝቐልጠፈ ኣብታ ሃገር ምርጫ ንከካይዱ ዘዘኻኽር ቅድመኹነት ኣቐሚጡ ኣሎ።
