ክልተ ኤርትራውያን ተቐዳደምቲ ብሽግለታ፡ ኣብ`ቲ ዝመጽእ 4ተ ሓምለ 2015፡ ኣብ ፈረንሳን ከባቢኡን ዝጅምር ዓለም-ለኻዊ ውድድር `ቱር ዲ ፍራንስ` ብምስታፍ፡ ካብ ጸሊም ኣፍሪቃ ቀዳሞት ብምዃን ታሪኽ ይሰርሑ`ለዉ።
ዳንኤል ተኽለሃይማኖትን፡ መርሃዊ ቅዱስን ኣብ`ቲ ውድድር ዝሳተፉ ዝለዉ፡ ምስ ካልኦት 7ተ ብጾቶም ብምዃን፡ ንMTN-Qhubeka ዝተባህለት ደቡብ ኣፍሪቃዊት ጋንታ ብምውካል`ዮም
እታ ጋንታ ካልኦት 3ተ ደቡብ ኣፍሪቃውያን፡ ሓደ ኣመሪካዊ፡ ሓደ እንግሊዛዊ፡ ሓደ በልጅማዊ፡ ብድምር 9ተ ኣባላት ሒዛ ክትሳተፍ`ያ።
ጋንታ MTN-Qhubeka ፡ ኣብ `ቱር ዲ ፍራንስ` ትሳተፍ ዘላ ፈላመይቲ ኣፍሪቃዊት ጋንታ ብምዃን`ውን ታሪኽ ትሰርሕ ዘላ ጋንታ ኾይና`ላ
`ቱር ዲ ፍራንስ`፡ ብቐንዱ ኣብ ፈረንሳይ ዝካየድ ኮይኑ፡ ብጎረባብቲ ሃገራት ዝሓልፍ፡ ብዙሕ ደረጃታት ዘለዎ፡ ኣብ ዓለም እቲ ዝዓበየ ውድድር ብሽክለታ`ዩ፡ ብብዓመቱ ድማ ይካየድ።
