ኣብ ሊብያ ብዳዕሽ ንዝተቐተሉ ኢትዮጵያውያን ሓዘኖምን ቁጥዕኦምን ክገልጹ ናብ መስቀል ኣደባባይ ዝወጹ 10`ታት ኣሸሓት ኢትዮጵያውያን፡ ገሊኦም `ደምና ይመለስ` ዝብል ኣብ ልዕሊ`ቲ እስላማዊ ግዝኣት ማለት ዳዕሽ ናይ ብቀላ መልእኽቲ የስምዑ ኔሮም። “ኣረሜናውያን ቐተልቲ ናይ ኢዶም ክረኽቡ`ዮም”። ኣብ`ቲ ጽንኩር ኩነታት ሓድነትና ነትርር ዝብሉ`ውን ኔሮም።
ገሊኦም ስለፈኛታት ድማ፡ መንግስቲ ኣብ ውሽጢ ሃገር ዘለዎ ኣተሓሕዛ ከዐሪ ይጽውዑ ኔሮም።
“ኣብ ሃገርና ንሰርሖ ስኢና ኢና ንስደድ ዘለና”። መንግስቲ ንዘውጽኦ ሕገ-መንግስቱን ንመሰል ዜጋታትን ከኽብር`ውን ዝጽውዑ ኔሮም።
ኣብ መንጎ ፖሊስን ሰልፍኛታትን ግጭት ተላዒሉ፡ ሰልፈኛታት እምኒ ደርብዮም፡ ፖሊስ ድማ ብበትርን ብዘንብዕ ጋዝን በቲንዎም።ዝቖሰሉ ፖሊስን ሰልፈኛታትን ናብ ሆስፒታል ተወሲዶም።
ምሉእ ጸብጻብ ኣብ`ዚ ክትሰምዕዎ ትኽእሉ፡
