ኣብ ገማግም ባሕሪ ሊብያ ብጉጅለ እስላማዊ መንግስቲ ኣብ ሊብያ ንኣስታት 30 ኢትዮጵያዊያን ፣ ሓደ ካብ’ኣቶም ኤርትራዊ’ዩ ተባሂሊ’ሎ ምቅታሎም፣ ቑጠዐን ውግዘትን ማሕበረ-ሰብ ዓለም የስዕብ’ሎ።
ቀ/ሚ ሃይለማርያም ደሳለኝ ብጠንቂ’ቲ ኣብ ሊብያ ዝተቀትሉ ኢትዮጵያዊያን፣ ንሙሉእ ህዝቢ ኢትዮጵያ ፅንዓት ይሃብኩም ኢሎም፣
“እት ቅትለት’ቲ፣ንዘርኢ ደቂ-ኣዳም ንምፅናት ብዝሃቀኑ ፈጠርቲ ራዕዲ ዝተፈፀመ ቅትለት’ዩ።እዞም ዜጋታት ኣብ ስደት ሊብያ ኣብ ዝፀንሑሉ እዋን፣እዚ ጉጅለ ኣሸባሪ’ዚ፣ነዚ ግፍዓዊ ቅትለት ምፍፃሙ፣ንሙሉእ ህዝቢታትና ኣሕዚኑ’ሎ” ኢሎም ንሶም።
ብዝተኣሳሰረ ዜና፣መልሰ-ግብሪ ነቲ ኣብ ሊብያ ኣብ ልዕሊ ኢትዮጵያዊያን ዝተፈፀመ ግፍዒ ንምቅዋም ኣብ ኣዲሳበበ ሃንደበታዊ ሰልፊ ከምዝተኸሰተ ተፈሊጡ።
ሙሉእ ትሕዝትኡ ንምስማዕ ኣብ ታሕቲ ንዘሎ ምልክት ድምፂ ጠውቁ።
