ኢትዮጵያን ኤርትራን ካብ ዞባ ግጭት ደቡብ ሱዳን ዜጋተተን ከግዕዛ ጀሚረን

ወሃቢ ቃል መንግስቲ ኢትዮጵያ፡ ብመሬት ብወገን ጋምቤላ 700 ዝኾኑ ኢትዮጵያውያን ኣውጺእና`ለና ኢሉ። ብሄለኮፕተራት ዝገዓዙ`ውን ቦሌ መዓርፎ ነፈርቲ ኣቲዮም ኣለዉ ኢሉ።

ናይ ኤርትራ መንግስታዊ መርበብ ሓበረታ ሻባይት ብወገና፡ ኣብ ጁባ ዝርከብ ኢምባሲ ኤርትራ፡ 217 ኤርትራውያን፡ ምስ ሕቡራት ሃገራት ብምትሕብባር ናብ መዕቆቢ ከምዘእተወ ኣፍሊጣ`ላ።
ኣብ ከባቢ በንቲዩን ቦርን በቲ ግጭት 2ተ ኤርትራውያን ከምዝሞቱ`ውን ሓቢሩ`ሎ።

በዝተኣሳሰር ዜና፡ ነቲ ናዕቢ ከምዝመርሕ ዝግለጽ፡ ኪያር ማቻር፡ ንውዕል ምቁራጽ ተኹሲ እተዘየኽቢርካ፡ ስጉምቲ ክውሰደካ `ዩ ክብሉ ኣጠንቂቖም ፕረሲደንት ኡጋንዳ ዩወሪ ሙሰቪኒ።