ዋሽንግተን —
ፕረዚደንት ትራምፕ፡ ኣብ ክፍለ ግዝኣት ኣሪዞና ኣብ ዝበጸሓሉ እዋን፥ ነቲ ብእኡ ዘሎ ናይ ዶብ ሓጹር መንደቕ ሓያልን ኩሉ መዳያውን`ዩ ክብሉ ገሊጾምዎ።
ትራምፕ ኣብ ልዕሊ ብርክት ዝበለ ዓይነታት ቪዛ እገዳታት ክግበር ድሕሪ ምእዛዞም፥ "ዶባትና ከምዚ ውሑስ ኮይኑ ኣይፈልጥን፥ እዚ ካብ ዓለም ዝሓየለን ኩሉ ዘጠቓለለን መንደቕ`ዩ " ኢሎም።
ኣብቲ ዝመጽእ ሕዳር ዝካየድ ፕረዚደንታዊ ምርጫ ዳግም ክምረጹ ዝጉስጉሱ ዘለዎ ፕረ ትራምፕ፥ ክሳብ መወዳእታ`ዚ ዓመት 500 ማይልስ ዝኸውን ሓጹር ዶብ ክዛዘም ከምዝኽእል ኣፍሊጦም።
ብመሰረት ትማሊ ሰሉስ ዝወጸ ሓበሬታ፥ ኣሪዞና: ሜክሲኮ : ካሊፎርንያን ቴክሳስን ካብ መንጎ ሸውዓተ ዝለዓለ ቁጽሪ ቫይረስኮሮና ዘፍለጣ ግዝኣታት`የን። እተን ካልኦት ድማ ኣርካንሳስ ኖርዝ ካሮላይና- ሳውዝ ካሮላይናን ተነሲን`የን።
