ገለ መራሕቲ ውድባት ፖለቲካ ኢትዮጵያ ምርጫ ንምክያድ ምቹእ ኩነታት እንተሎ'ኳ ዝተረፉ ተግባራት ግን ኣለዉ ይብሉ

ኣብ ኢትዮጵያ ምርጫ ንምክያድ ምቹእ ኩነታት እንተሎ'ኳ ዝተረፉ ተግባራት ግን ኣለዉ ይብሉ ድምጺ ኣሜሪካ ዘዘራረቦም መራሕቲ ውድባት ፖለቲካ።

ፍትሓዊን ደሞክራሲያውን ምርጫ ንምክያድ ምቹእ ኩነታት እንተሃለወ'ውን ክማልኡ ዝግብኦም ቅድመ ኩነታት ኣለዉ ካብ መንጎ ዝብሉ ሓደ ኣቦ መንበር ደሞክራሲያዊ ፓርቲ ትግራይ ዶር ኣረጋዊ በርሀ፥"ንኹሉ ብሓደ ግዜ ምዕዋት እንተዘይተኻእለ'ውን መሰረታዊ ደሞክራሲያውን ሰብኣውን መሰላት ክረጋገጹ ይግባእ" ይብል።

ኣቦ መንበር ሶሻል ደሞክራቲክ ፓርቲ ዶ/ር በየነ ጴጥሮስ ብወገኖም ኣፈጸምቲ ምርጫ ካብ ፖለቲካዊ ወገንተኝነት ናጻ ክኾኑ ይግባእ ኢሎም።

ናይ ኢዜማ ኣቦ መንበር የሺዋስ ኣሰፋ ድማ ነቲ ምርጫ ናብ ዘይተወሰነ ግዜ ምድፋእ ግቡእ ኣይኮነን ኢሉ።

ኣብቲ ትማሊ ዝተኻየደ ንምርጫ ዝምልከት ኣኼባ ተወዳደርቲ ናይ ፖለቲካ ውድባትን ሲቪክ ማሕበራትን ተረኺቦም።