ድሮን ኣመሪካ ብነፋሪት ሩስያ ድሕሪ ምግጫዋ ምትፍናን የስዕብ ኣሎ

ናይ ኣመሪካ ናይ ስለያ ድሮን፡ ኣብ ጸሊም ባሕሪ ምስ ነፋሪት ኲናት ሩስያ ተላቲማ ድሕሪ ምውዳቓ፡ ኣብ መንጎ ክልተኦም ወገናት ከቢድ ፍሕፋሐን መጠንቀቕታትን ኣኸቲሉ ኣሎ። ኣብቲ ሳሕቲ ዘጋጥም ተርእዮ፡ ምትፍናን ክልተ ሓይልታት ናብ ዝለዓለ ጥርዙ ክበጽሕ ናይ ፈለማ ምዃኑ ማእከናት ዜና ጸብጺበን።

ወታሃደራዊ መራሕቲ ኣመሪካ፡ በቲ “ተዃታዂ” ዝበሉዎ ምንቅስቓስ ንሩስያ ክኸሱ እንከለዉ፡ ኣብረርቲ ነፋሪት ሩስያ ንዘርኣዩዎ ሸለልትነትን ንሓደጋ ምቅላዕን ከሲሶም። ሩስያ ግን እቲ ዘጋጠመ ምግጫው እታ ናይ ኣመሪካ ድሮንን ነፋሪት ኲናት ሩስያን ዘይተሓስበ ክስተት ምዃኑ ትምጕት።

ነቲ ዘጋጠመ ዘይንቡር ክስተት ስዒቡ፡ ኣመሪካ ንኣምባሳድር ሩስያ ኣብ ዋሺንግተን ዲሲ መብራሂ ንኽህብ ምሕታታ ተፈሊጡ ኣሎ። ኣምባሳድር ሩስያ ሃገሩ ዝዀነ ጎንጺ ከም ዘይትደሊ ብምምልካት፡ ነቲ ዘሎ ምትፍናን ዘላቒ መፍትሒ ንምግባር ክሰርሑ ምዃኖም ኣመልኪቱ።