ዋሽንግተን —
ሚንስተር ጉዳያት ወጻኢ ኣመሪካ ኣንተኒ ብሊንከን ናብ ላቲን ኣመሪካ ገይሹ`ሎ፡ ሎሚ ኣብ ኢኳዶር፡ ብዛዕባ ኣብቲ ዞባ ዘሎ ደሞክራስን ኣጋጢምዎ ዘሎን ብድሆታት መደረ ከስምዕ`ዩ። ድሕሪኡ ናብ ኮሎምቢያ ከምርሕ`ዩ ።
ብሊንከን ናብ ኢኳዶር ኣብ ዘምርሓሉ ዘሎ እዋን፡ ፕረዚደንት ጒለርሞ ላሶ፡ ኣብ ልዕሊ ገበናት ዕጸ-ፋርስ ስጉምቲ ንምውሳድ ናይ 60 መዓልታት ህጹጽ ኣዋጅ ኣዊጁ`ሎ ።
ሚንስተር ጉዳያት ወጻኢ ኣመሪካ ኣንተኒ ብሊንከን ኣብ ላቲን ኣመሪካ ኣብ ዝጸንሓሉ እዋን ኣብ ቦጎታ ምስ መዘናታቱ ሚንስተራት`ቲ ዞባ ብምርኻብ፡ ብዛዕባ ምኽባር ሰብኣዊ መሰላት፡ ዘይሕጋዊ ምስግጋር ደቂሰባትን ስደትን`ውን ኣልዒሉ ከምዝዘራረብ ንምፍላጥ ተኻኢሉ`ሎ።
