ዩኔስኮ ኣብ ልዕሊ ጋዜጠኛታት ዝፍጸም ቅትለት ብዘይ ተሓታትነት ይሓልፍ ኣሎ ክብል ኣፍሊጡ

ውድብ ትምህርቲ ፣ሳይንስን ባህልን ሕቡራት ሃገራት (ዩኔስኮ) ኣብ ዙሪያ ዓለም ዝፍፀም ቅትለት ብዘይ ተሓታትነት ይሓልፍ ኣሎ ክብል ሎሚ ረቡዕ ኣፍሊጡ።

መግለፂ ዩኔስኮ ወሲኹ "ኣብ ልዕሊ ጋዜጠኛታት ይፍፀም ዘሎ ቅትለት ብዘይተሓታትነት ምሕላፉ ብ86 ምእታዊ ወሲኹ ኣሎ’’ ይብል ።

‘’ኣብ ልዕሊ ጋዜጠኛታት ይፍፀሙ ዘለው ገበናት ግቡእ ምርመራታት ክግበረሎምን ፈፀምቱ ናብ ሕጊ ክቐርቡን ክፍርደሞምን ኩሎም ኣገደስቲ ስጉምቲታት ክወሰድ ኣለዎ’’ ክብል ዩኔስኮ ፀዊዑ።

እቲ ፀብፃብ ኣብ ዝሸፈነሉ ዓመታት 2020ን 2021ን 117 ጋዜጠኛታት ኣብ ስራሕ ከለው 91 ድማ ካብ ስራሕ ወፃኢ እናሃለው ተቐቲሎም።ብዙሓት ድማ ኣብ ቅድሚ ውላዶም ሓዊሱ ኣብ ቅድሚ ስድርኦም ዝተቐትሉ እዮም።