ዋሽንግተን —
ኣብ መበል 73 ዓመት ዋዕላ ሕቡራት ሃገራት ንኣተሓሕዛ ሰብኣዊ መሰላት ኣብ ዝገምገመሉ መድረኽ ኤርትራ ብዝምልከት እውን መድረኽ ተኻይዱ ፍልይቲ ራፖርተር ሺላ ኪቱሩት ፀብፃበን ኣቕሪበን ነይረን።
ኤርትራ ምስ ኢትዮጵያ ውዕል ሰላም እንተገበረት’ዃ ኣብ ውሽጢ ሃገር ግን መንግስቲ ኤርትራ ሎሚ እውን ሰባት ይኣስርን ንዝተቓወሙዎ ይስውርን ኣሎ ኢለን።
ኣብ ጎኒ ጎኒ እቲ መድረኽ እውን “ኤርትራ ኣብ እዋን ሰላም ሰብኣዊ መሰላት ክኽበር ቀሪቡ’ዶ ኣሎ?” ብዝብል ኣኼባ ተኻይዱ ነይሩ።ኣብቲ ኣኼባ ዝተኻፈሉ ሰለስተ ኣጋይሽ ሒዝና ኣለና።
ርእይቶ መንግስቲ ኤርትራ ንምርካብ ኣብ ሕቡራት ሃገራት ናይ ኤርትራ ተልእኾ ናብ ዝርከብሉ ከተማ ኒው ዮርክ ኤምባሲ ኤርትራ ደዊልና ንሎሚ ምላሽ ኣይረኸብናን።
ምሉእ ትሕዝቶ ኣብዚ ምስማዕ ይክኣል።
