ዋና ጸሓፊ ኔቶ ንሕቶ ኣባልነት ስዊድንን ፊላንድን ምቕባሎም ገሊጾም

ዋና ፀሓፊ ወታሃደራዊ ኪዳን ሰሜን ኣትላንቲክ(ኔቶ) የንዝ ስቶልተንበርግ ስዊድንን ፊንላንድን ናብቲ ደንበ ክፅንበራ ንዘቕረብኦ ሕቶ ብዉዕይ መንፈስ ሎሚ ረቡዕ ተቐቢሎምዎ።

ስቶልተንበርግ ፊንላንድን ስዊድንን ኣባል እቲ ኣብ ዓለም ዝዓበየ ወታሃደራዊ ጥምረት ንክኾና ብወግዒ ሕቶ ምቕራበን ሎሚ ረቡዕ ኣረጋጊፆም ኣለው።

ናይ ቀረባ መሻርኽትናን ኣባል ኔቶ ምዃንክን ንሓባራዊ ድሕነትና ወሰኽ እዩ ኢሎም።

ናይ ቱርኪ ፕሬዝዳንት ረሲፕ ጠይብ ኣብ ናይ ፊንላንድን ስዊድንን ኣባልነት ዕቓበታት ከምዘለዎም እንተገለፁ እውን እቲ ናይ ኣባላነት ምምልካት መስርሕ ክልተ ሰሙን ክውድእ ትፅቢት ይግበር።