ዋና ጸሓፊ ሕ ሃ ኣብ መንጎ ኣመሪካን ቻይናን ዝሑል ኲናይ ከይፍጠር ኣጠንቂቑ

ዋና ጸሓፊ ሕቡራት ሃገራት ኣብ መንጎ ኣመሪካን ቻይናን ዝሑል ኩናት ከይፍጠር ኣጠንቂቑ።

ኣንተንዮ ጉተረዝ፡ እዚ ኣብ መንጎ ክልተ ዝዓበያ ሃገራት ዝርአ ዘሎ ዘይጥዑይ ምሕዝነት ናብ ካልኦት ሃገራት ዓለም`ውን ከይልሑቕ ኣጠንቂቑ`ሎ።

ብዛዕባ`ዚ ኣብዚ ወርሒ`ዚ ዝካየድ ሓፈሻዊ ዋዕላ ዝተዛረበ ኣንቶንዮ ጉተረዝ፡ ሎሚ ኣብ መንጎ`ዘን ኣብ ዓለም ብቁጠባ ዝዓበያ ሃገራት ኣመሪካን ቻይናን ንርእዮ ዘለና ነገር ተጻራርነት`ምበር ዝሰርሕ ምሕዝነት ኣይኮነን ኢሉ።

ዋና ጸሓፊ ሕቡራት ሃገራት ኣብቲ ምስ ኣሶሸይትድ ፕረስ ዝገበሮ ቃለ-መጠይቕ .እዘን ኣብ ቫይረስኮሮና ኣብ ንግድን ተክኖሎጅን ከምኡ ክሊማ ዘይቃደዋ ዘለዋ ቻይናን ኣመሪካን፡ ነዚ ዓለም ኣብ ክልተ ደምበ ከይመቕልኦ የስግእ`ዩ ኢሉ ።

ቅድሚ ሎሚ ዝነበረ ዝሑል ኩናት ኣብ መንጎ ኣመሪካን ሩስያን ኮይኑ ኣብ 1991 ምስ ምፍራስ ሩስያ ከም ዘኽተመ ይፍለጥ።