ወናኒ ማይክሮሶፍት ኣብ ምምዕባል ዝርከብ ከኒና ቫይረስኮሮና ናብ ድኻ ሃገራት ኣብ ምክፍፋል ናይ ገንዘብ ሓገዝ ከምዝህብ ገሊጹ

ቢል ገይትስ ንዘይማዕበላ ሃገራት ክኒና ኮቪድ19 ንክበጽሐን ናይ ሚልዮናት ዶላራት ሓገዝ ይመባጻዕ ኣሎ።

ኣብ ኣመሪካ ሓዲሽን ተስፋ ዝህብን ህጹጽ ክኒና ኮቪድ19 ኣብ ዝጽንዓሉ ዘሎ እዋን፡ ነቲ ዝተረፈ ዓለም`ውን ናይ ገንዘብ ሓገዝ ይግበረሉ`ሎ። ነቲ ክኒና ዝሰርሖ መርክ ዝተባህለ ፋብሪካ፡ እቲ ማልኑፒራቪር ዝተባህለ ክኒና፡ ቫይረስኮሮና ንከይባዛሕ ዝከላኸል`ዩ ይብል። ይ ዓለምና ሃብታምም ወናኒ ማይክሮሶፍትን ቢል ገይትስ ድማ ነዚ ክኒና`ዛ ናብ ድኻ ሃገራት ንምክፋል ክሕግዝ`የ ይብል ኣሎ።

ምምሕዳር መግብን መድሃኒትን ኣመሪካ ነቲ ክኒና ንህጹጽ ረብሓ እንተ ኣጽዲቕዎ ቅድሚ ሓዲሽ ዓመት ኣብ ጠቕሚ ከምዝውዕል ይሕበር'ሎ። ናብ ዘይማዕበላ ሃገራት ግን ናይ ገንዘብን ምክፍፋልን ብድሆታት ከምዝህልው ርኡይ ኮይኑ`ሎ።