ኮሚሽን ሰብኣዊ መሰላት ኢትዮጵያ ኣብ ኦሮምያ 60 ሰባት ብዕጡቓት ምቕታሎም ኣፍሊጡ

ኮሚሽን ሰብኣዊ መሰላት ኢትዮጵያ ኣብ ክልል ኦሮምያ ሆሮ ጉድሩ ወረዳ አሙሩ ቀበሌ ኣጋምሳ ናይቲ ከባብን ካብ ተዋሰንቲ ወረዳታት ክልል ኣምሓራ ዝመጹን ሚሊሻ ልዕሊ 60 ነበርት ቀቲሎም ክብል ኣፍሊጡ። ብተወሳኺ በቲ መጥቃዕቲ 70 ካል ኦት ነበርቲ ቆሲሎም ልዕሊ 20- ሽሕ ኸኣ ተመዛቢሎም ኢሉ'ሎ።

ኮሚሽን ሰብኣዊ መሰላት ኢትዮጵያ ወሲኹ ቅድሚ'ቲ ናይ ኣጋምሳ ቅትለት ሰለስተ ተወላዶ ኣምሓራ ዝኾኑ ነበርቲ ብዕጡቓት ሰራዊት ሓርነት ኦሮሞ ተቐቲሎም ኢሉ'ሎ።

ወሃቢ ቃል ሰራዊት ሓርነት ኦሮሞ ግን ነቲ ክሲ ብምንጻግ ኣብቲ ከባቢ ዝነበሩ ዕጡቓት ካብ ክልል ኣምሓራ ዝመጹ ሓይልታት ፋኖን ባባል ሰራዊት ሓርነት ኦሮሞ ዝነበረ ፍቃዱ ኣብዲሳ ዝምራሕ ሚሊሻ ኦሮሞን ጥራይ እዮም ኔሮም ኢሉ'ሎ።

እዚ ከምዚ ሉ ከሎ ተቃወምቲ ፓርትታት ኦሮሞ ዖልፍ ፡ግንባር ነጻነት ኦሮሞን
ዖፍጭእን ፡ ኦሮሞ ፈደራሊስት ኮንግረስን በቲ ቅትለት ንፋኖ ብምኽሳስ መግለጺ ኣውጺኦምእለዉ።

ካብ ፈደራል መንግስትን እቲ ክልልን ምላሽ ንምርካብ ዝተገብረ ፈተነ ግን አይሰለጠን ብመሰረት ጸብጻብ ጸሃይ ዳምጠው ካብ አዲስ አበባ።