ኬንያ ብሰንኪ ምውሳኽ መልከፍቲ ቫይረስ ኮሮና ን21 መዓልታት ዝጸንሕ ከፊል ምርጋጥ ኣዊጃ

ኬንያ ብሰንኪ ምውሳኽ መልከፍቲ ኮሮናቫይረስ፥ ን21 መዓልታት ዝጸንሕ ከፊል ምርጋጥ ኣዊጃ።

ኬንያ ኣብ መንደራ ትብሃል ዞባ ዝወሰደቶ ዳሕራዋይ መምርሒ ርእሰ-ምዕጻው፥ መገሻ ብመጉዓዝያ ምድሪን ካብን ናብን በረራታትን ዝእግድ`ዩ።

ከምኡ`ውን ኣብ ሞምባሳ ክዋሊ ከምኡ`ውን ኪሊፊ ዝተባህላ ምምሕዳራት ዘሎ ምትግባር ቃልሲ ኮሮና ከምዝግምገም ሚንስተር ውሽጢ ሃገር ኬንያ ኣፍሊጡ`ሎ።

ብኻልእ ወገን ፕረዚደንት ኬንያ ኡሁሩ ኬንያታ፥ ካብ ውሸባ ንዝሃደሙ 50 ሰባት ኣብ ትሕቲ ቁጽጽር ከምዘእቱ ኣጠንቂቑ።

ገለ ኣብቲ መንግስቲ ዘዳለዎ ማእከላት ዝተወሸቡ ኬንያውያን፥ ክፍሊት በዚሑና ኢሎም ከማርሩ ጸኒሖም`ዮም።

ኬንያ ትማሊ ረቡዕ 7 ተወሰኽቲ ብቫይረስ ኮሮና ዝተታሕዙ ሰባት ድሕሪ ምምዝጋባ ቁጽሪ እቲ ቫይረስ ዝተረኽቦም ናብ 303 ደይቡ`ሎ- 14 ድማ ሞሟቶም ኣፍሊጣ’ላ።