ዋሽንግተን —
ኣብ ሚንስትሪ ትምህርቲ ኤርትራ ዳይረክተር ጀነራል ክፍሊ ሓፈሻዊ ትምህርቲ ኣቶ ሙሳ ሑሰን ናይብ ንንድምጺ ኣሜሪካ ኣብ ዝሃቦ መግለጺ፡ ብቋንቋ ኣደ ምምሃር ኣብ መዳይ ትምህርትን ማሕበረ-ቁጠባውን ባህልን ናይ ሕብረተሰብ ድረብ ረብሓ ኣለዎ ኢሉ ኔሩ።
እብ`ተን ውሑድ ተዛረብቲ ዘለወን ቋንቋታት ዝረኣዩ ሕጽረት መወከሲ መጽሓፍትን ኣብ ስራሕ ዓለም ዘጋጥሞም ናይ ምርድዳእ ጸገማትን ንምፍታሕ ፡ዝተፈላለዩ ጻዕርታትን ፍሉይ ምትብባዓትን ከምዝግበረሎም ኣቶ ሙሳ ሑሰን ናይብ ተዛሪቡ ኔሩ።
ምስ`ዚ ዘይሰማምዑ ሰለስተ ተወልድቲ ብሄረ-ብሌን ግን፡ ብቋንቋ ኣደ ምምሃር ዝድገፍ እኳ እንተኾነ፡ ነቲ ዝበዝሐ ህዝቢ ኤርትራ ዝጥቀመሉን፡ ኣብ ኣብያተ-ጽሕፈት መንግስቲ ዝሰርሕን ትግርኛ ገዲፍካ ኣብ ክንዲ ብግእዝ ብላቲን ምስትምሃር፡ ነቲ ሓዲሽ ወለዶ የግልሎን፡ ካብ ዕድላት ስራሕ የርሕቖን ኣለዎም ብምባል ተመሃሮ ብግእዝ ክመሃሩን ንቋንቋታት ትግርኛን ዓረብን ክመልኩን ይደልዩዎም።
