ኣስመራ —
ብምትሕብባር ሃገራዊ ማእከል ምርምርን ስነዳን ቤ/ጽ መንበረ ፐትሪያርክ ኦርቶዶክስ ተዋህዶ ቤ/ከስትያንን ኤርትራን ፡ኣብ ዕቃበን ኣሰራርዓን ሃይማኖታዊ ብራናትትን ንዋየ ቅዱሳንን ዘተኮረ ስልጠና ተዋሂቡ።
እቲ ካብ ሃምቡርግ ዩኒቨርሲቲ -ጀርመን ብዝመጽኡ 6 ክኢላታት ዝተዋሃበ ስልጠና ፡ ምልከት ግእዝ ንዘለዎም ካብ ዝተፈላለዩ መንፈሳዊ ኮሌጃት፡ኮለጅ ምሕደራን ዋኒንን ማህበራዊ ስነ-ፍልጠትን ዓዲ ቐይሕ፡ ካብ ቤ/ጽ መንበረ ፕትሪያርክን ማእከል ምርምርን ስነዳን ንዝተዋጽኡ 23 መንእሰያቱ ኢዩ ተዋሂቡ።
ቀንዲ ዕላማ ናይ`ቲ ስልጠናን ትምህርትን፡ተመክሮን ክእለትን ምልውዋጥን ነቲ ቅድሚ ሕጂ ብኤርትራውያን ዝተሰርሐ ስራሕ ብምርግጋጽ ኣፍልጦ ከምዝረክብ ንምግባርን ከምዝኾነ ዳይረክተር ማእከል ምርምርን ስነዳን ወ/ሮ ኣዜብ ተወልደ ንድምጺ ኣሜሪካ ተዛሪባ።
