ኣስመራ —
ክብሮም ገ/ኣብ ዝተባህለ ኤርትራዊ ዓይነ-ስውር፥ኣብ መዓልታዊ ስርሑ ንዘጋጥሞ ጸገማት ንምፍታሕን ካብ ጽግዕተኛነትን ንምንጋፍ ድሕሪ ዝገበሮ ሓያል ጻዕሪ፡ብዓይነታ ናይ ፈለማ ዝኾነት ንዓይነ-ስውራን ትሕግዝ ናይ ግእዝ መንበቢት ሶፍትዌር ኣማዕቢሉ ንተጠቀምቲ ብነጻ ዘርጊሑ።
ዓይነ-ስውር ክብሮም ብዓውደ-ትምህርቲ ታሪኽ ተመሪቑ ኣብ ማእከል ስነዳን ምርምርን ኤርትራ ከም ክኢላ ኣርካይቭ ኣብ ምስራሕ ዝርከብ መንእሰይ’ዩ።እዛ ናይ ግእዝ መንበቢት ሶፍትዌር፡ ዓይነ-ስውራን ኩሉ ዓይነት ናይ ቤ/ጽ ስርሓት ይኹን ማሕበራዊ መራኸቢታትን ብግእዝ ንክግልገሉ እትሕግዝ ምዃና’ዩ ሰራሒኣ ዓይነ-ስውር ክብሮም ገ/ኣብ ይዛረብ።
