ኣስመራ —
ወ/ሮ ገነት በኹረጺዮን ዝተባሃለት ሓረስታይ ካብ ዕረ፡ ኒምን ጉዕ-በርበረን ባህርያዊ ጸረ-ባልዕ መድሃኒት ኣማዕቢላ።ነቲ ባህርያዊ ጸረ-ባልዕ መድሃኒት ካብ ሓደ መጽሔት ንዝረኸበቶ ሓበሬታ ምርኩዝ ብምግባር ከም ዘዳለወቶ ዝሓበረት ወ/ሮ ገነት እቲ ጸረ ባልዕ መድሃኒት ንኹሎም ኣብ ኣትኽልቲ ዝረኣዩ ባልዓት ከምዘጥፍእ ንድምጺ ኣሜሪካ ገሊጻ።
እቲ ጸረ-ባልዕ ካብ ኬሚካል ነጻ ብምዃኑ ዘይተበከለ ምህርቲ ኣብ ምርካብ ሓጋዚ ከምዝኾነ ዝተዛረበት ወ/ሮ ገነት ናይ ወጻኢ ሸርፊ ኣብ ምጉዳል’ውን ዘይነዓቕ ኣበርክቶ ከምዝህልዎ ገሊጻ። ተጠቃሚት ናይ’ቲ ጸረ-ባልዕ ከምዝኾነት ዝገለጸት ወናኒት ቤት መሽጣ ዕምባባን መደበር ፈልስን ሻም ፡ወ/ሮ ሰናይት ብኹሉ መዳያቱ ውጽኢታዊ ኮይኑ ከምዝረኸበቶ ንድምጺ ኣሜሪካ ተዛሪባ።
እዚ ጸረ-ባልዕ መድሃኒት ብሚኒስትሪ ሕርሻ ተቐባልነት ከምዝረኸበ ዘመልከተት ወ/ሮ ገነት ኣብ ቀጻሊ ብሓርጭን ካልእን መልክዕ ንምድላዉ መጽናዕትን ፈተነን ይካየደሉ ከምዘሎ ሓቢራ።
Embed
share
Embed
share
The code has been copied to your clipboard.
The URL has been copied to your clipboard
No media source currently available