አዲስ አበባ —
ዝመጽእ ሰኑይ ኣብ ሃገራዊ ምርጫ ኢትዮጵያ ዝሳተፉ ተወዳደርቲ ፖለቲካዊ ፓርትታት፡ ናይ ምረጹኒ ጎስጓሶም ሎሚ ምዝዛሞም ሃገራዊ ቦርድ ምርጫ ኢትዮጵያ ኣፍሊጡ።
ኣማኻሪት ኮሚኒኬሽን ቦርድ ምርጫ ሶልያና ሽመልስ ኣብ መግለጺኣ፡ ዝቕጽላ ኣርባዕተ መዓልታት፡ ወፍሪ ምርጫ ዘይካየደሉ፡ እቲ ማሕበረሰብ ብዛዕባ ኣወሃህባ ድምጺ ጥራይ መረዳእታ ዝረኽበሉ፡ መን ክመርጽ ከም ዘለዎ ንምሕሳብ ናይ ጽሞና ግዜ ዝረኽበሉ ግዜ ምዃኑ ንድምጺ ኣሜርካ ተዛሪባ`ላ።
ፓርትታት ፖለቲካን ደገፍቶምን፡ ብፍላይ ትማልን ሎምን፡ ናይ መወዳእታ ጎስጓሶም ኣብ ዝተፈላለየ ክፋላት`ታ ሃገር ዘካየዱ ክኾኑ ኸለዉ፡ ኣካቢ ቤት ምኽሪ ፓርትታት ፖለቲካ ዶ/ር ራሄል ባፌ ብወገነን፡ መስርሕ ምርጫ ናብ`ዚ ደረጃ ምብጽሑ ድሕሪ ምግላጽ፡ ተስፋን ስግኣትን ግን ድሕሪ ምርጫ ዝቕጽል ብምዃኑ፡ ዝተረፉ ስራሓት ምህላዎም ተዛሪባ`ላ።
ምሉእ ትሕዝቶ ኣብዚ ምስማዕ ይክኣል::
