መቐለ —
ኣብ ክልል ትግራይ ዝተኻየደ ኩናት ኣብ ልዕሊ ልምዓት መስኖ ከቢድ ሃስያ ከምዘስዓበ፡ ሓላፊ ቢሮ ሕርሻ ክልል ትግራይ ኣቶ ኣትንኩት መዝገቦ ምግላጹ ተሓቢሩ::
ኣብ ስርሓት ልምዓት መስኖ ቕድሚ ኩናት ዝነበረ ምንቅስቓስ ልዕሊ 54 ሺሕ ሄክታር ይለምዕ ምንባሩ ዝጠቐሰ ኣቶ ኣትንኩት፡ ዝሓለፈ ሓደ ዓመት ዝኸውን ግን ፡ ገባር ኸልምዓሉ ዝፈቅድ ኩነታት ኣይነበረን ኢሉ።
“ሎሚ ክንድ'ዚ ዝኸውን ለሚዑ ኣሎ ኢልና ክነቐምጥ ኣይንኽእል::”
ሕጂ ክንገብሮም ካብ ዝግብኣና ነገራት ሓደ፡ ንመስኖ ስርሓትና ብቐዋሚ ተኽሊ(ከም ፍረታት) ምዕጃብ`ዩ ዝበለ ኣቶ ኣትንኩት መዝገቦ፡ኣብ ዝመጽእ ዓመት ክንሰርሖ ካብ ዝመደብና ካልእ ጉዳይ ድማ፡ ዘመናዊ ናይ ዘርኢ ኣጠቓቕማ ምኽታል`ዩ ኢሉ።
