ክርከብ ዝኽእል መራኸቢታት

ኣብ ክልል ትግራይ ለበዳ ሕማም ንፍዮ ከምዝተርኣየ ተገሊጹ


ኣተሓባባሪ ምእላይ ሓደጋታት ጥዕና ሕብረተሰብ ቢሮ ሓላዋ ጥዕና ክልል ትግራይ ኣይተ ሳሙኤል ኣረጋይ
ኣተሓባባሪ ምእላይ ሓደጋታት ጥዕና ሕብረተሰብ ቢሮ ሓላዋ ጥዕና ክልል ትግራይ ኣይተ ሳሙኤል ኣረጋይ

ኣብ ክልል ትግራይ ወረዳ ኣስገደ ፅምብላ ለበዳ ሕማም ንፍዮ ከምዝተርኣየ ቢሮ ሓለዋ ጥዕና እቲ ክልል ኣፍሊጡ::

ቁፅሪ በቲ ሕማም ዝተጠቕዑ ሰባት ክሳብ ሎሚ ረቡዕ 81 ከምዝበፅሐ ዘፍለጠ እቲ ቢሮ ወፍሪ ክታበት ንፍዮ ድማ ይወሃብ ከምዘሎ ገሊፁ:: ኣብ ክልል ትግራይ ወረዳ ኣስገደ-ፅምብላ ለበዳ ሕማም ንፍዮ ድሕሪ ክልተ ዓመት ከምዝተርኣየ ኣተሓባባሪ ምእላይ ሓደጋታት ጥዕና ሕብረተሰብ ቢሮ ሓላዋ ጥዕና ክልል ትግራይ ኣይተ ሳሙኤል ኣረጋይ ንድምፂ ኣሜሪካ ተዛሪቦም::

ዛጊድ ሸውዓተ ትሕቲ ሓሙሽተ ዕድመ ሓዊሱ 81 ሰባት ከምዝሓመሙ ኣይተ ሳሙኤል ገሊፆም:: ነቲ ሕማም ንምክልኻል ክታበት ፀረ ንፍዮ ብቕድሚ ትማሊ ሶኑይ ከምዝተጀመረን ክሳብ ዓርቢ ኣብቲ ወረዳ ክቕፅል እዩ ኢሎም:: ኣብ ወርሒ ጥሪ እውን ኣብ ዩኒቨርስቲ ኣክሱም ኣብ ልዕሊ 100 ሰባት: ኣብ ዩኒቨርሲቲ መቐለ ድማ ኣብ ልዕሊ 40 ሰባት እቲ ሕማም ተራእዩ ምንባሩ ዝገለፁ ኣይተ ሳሙኤል ነቶም ዝሓመሙ ሕክምና ከምዝተውሃቦምን ንተምሃሮን ማሕበረሰብን እተን ዩኒቨርሲቲታት ድማ ክታበት ፀረ ንፍዮ ከምዝተኸተቡ ገሊፆም::

ንሶም ወሲኾም ሕማም ንፍዮ ቅልጡፍ ሕክምና ተዘይርኺቡ ጉድኣት ኣካል ከምዘብፅሕ ብተወሳኺ ድማ ኣብ ትሕቲ ሓሙሽተ ዓመት ህፃናት ዝቐትል ሕማም ብምኻኑ እቲ ሕማም ዝተርኣዮም ብቕልጡፍ ናብ ትካል ጥዕና ከምርሑ ይግባእ ኢሎም:: እቲ ሕማም ቅድሚ ክልተ ዓመት ኣብ ወረዳ ኣስገደ ፅምብላ ኣብ ዝርከብ መዕቖቢ ስደተኛታት ኤርትራውያን እውን ብለበዳነት ተራእዩ ምንባሩ ኣይተ ሳሙኤል ኣዘኻኺሮም::

ምሉእ ትሕዝቶ ኣብዚ ምስማዕ ይክኣል::

ኣብ ክልል ትግራይ ወ ለበዳ ሕማም ንፍዮ ከምዝተርኣየ ተገሊጹ
please wait

No media source currently available

0:00 0:02:07 0:00


XS
SM
MD
LG