ኣብ ከባቢ ራያ ቆቦ ኣብ መንጎ ሓይልታት ህወሓትን ጸጥታ'ቲ ከባቢን ዂናት ምክያዱ ሰበ-ስልጣን'ቲ ከባቢ ይሕብሩ

ኣብ ከባቢ ራያ ቆቦ ኣብ መንጎ ሓይልታት ህውሓትን ፋኖ ተባሂሎም ዝፍለጡ ጸጥታ`ቲ ከባብን ኣብዚ ሰሙን`ዚ ዂናት ከምዝቐነየ ሰበ-ስልጣን'ቲ ከባቢ ገሊጾም። ንገለ ከባብታት ሓይልታት ህወሓት ከምዝተቖጻጸሩ ካብኡ ተፈናቒልና ዝበሉ ነበርቲ ንድምጺ ኣመሪካ ሓቢሮም ኣለዉ።

ወሃቢ-ቓል'ቲ ወረዳ ጥላሁን ሉሌ፡ እቲ ዂናት ኣብ ማህጉዋ:ኣረንገቦ: ጃሮታ ዝተባህሉ ከባብታት ከም ዝነበረ ድሕሪ ምግላጽ ሓይልታት ህወሓት ተጻባኢ ዝኾነ ስጉምትታት ቀጺሎም ኣለዉ ክብል ከሲሱ።

ብዛዕባ`ዚ ካብቶም ንክልል ትግራይ ዘመሓድሩ ዘለዉ ሰበ-ስልጣን ርእይቶ ምርካብ ኣይተኻእለን። ቅድሚ ሎሚ ግን ንሰላም ድልዋት ምዃኖም ክገልጹ ምጽንሖም ይፍለጥ።