ኣብ ኣይዝዩም ናይ ጅምላ መቓብር ምርካቡ ሰበ-ስልጣን ዩክሬን ይገልጹ

ሓይልታት ሩሲያ ቅድሚ ሒደት መዓልታት ካብ ዝወጽሉ ሰሜን ምብራቕ ዩክሬን ኣይዚየም ልዕሊ 440 ሬሳታት ዝሓዘ ጃምላዊ መቓብር ምርካቡ ሰበስልጣን ዩክሬን ትማሊ ሓሙስ ኣፍሊጦም።

ፕረዚደንት ዩክሬን ቮሎዲሚር ዘለንስኪ ብቕድሚ ትማሊ ረቡዕ ኣብቲ ከባቢ ብምብፃሕ ዓለም ወራር ሩሲያ ኣብ ቡቻ፣ማሪፖል ሕጂ ድማ ኣብ ኣይዚየም ዘውረዶ ሞት ክፈልጥ ኣለዎ፣ተሓታቲት ድማ ክትኸውን ኣለዋ ኢሎም።

ንኣሶሴትድ ፕረስ ቃሎም ዝሃቡ ኣብ ፍሉይ ኩነታት ሃለዋቶም ናይ ዘይፍለጡ ሰባት ዝጥምት ኮሚሽነር ኦለግ ኮተንተ ወታሃደራት ሩሲያ ንወታሃደራትን ስቪላትን ዩክሬን ኣብ ጫካ ብጃምላ ከቕብሩ ከለው ዘርኢ ቪዲዮ ምርካቦም ገሊፁ።

ዩክሬንን ምዕራባዊያን መሻርኽታን ሓይልታት ሩሲያ ኣብ ዩክሬን ገበናት ኵናት ብምፍፃም ክኸሱዋ ፀኒሖም እዮም።ሩሲያ ንስቪላት ዒላማ ኣይገበርኩም ገበናት ኵናት'ውን ኣይፈፀምኩን ክትብል ኣሉታዊ መልሲ ትህብ።