ኣብ ኢትዮጵያ ዝረኣዩ ዘለው ፈተናታት ባህርያት ለውጢ’ዮም ክብል ኦዲፓ ገሊጹ

ኣብ ኢትዮጵያ ኣብ ቀረባ እዋን ዝረኣዩ ዘለው ፈተናታት ዝተለመዱ ባህሪያት ለውጥን እዮም ክብል ናይ ኦሮሞ ዴሞክራሲያዊ ፓርቲ(ኦዲፓ) ኣፍሊጡ።ማእኸላይ ኮሚቴ እቲ ፓርቲ ንሰለስተ መዓልታት ኣብ ዘካየዶ ኣኼባ ናይቲ ውድብ ድኹምን ብርቱዕን ጎንታት ብምግምጋም ኣባል ፈፃሚ ስራሕ ዝነበሩ ዶ/ር ወርቅንህ ገበየሁ ብኣቶ ኡመር ሁሴን ተኪኦም ኣለው።

ሓላፊ ቤት ፅሕፈት እቲ ውድብ ዶ/ር ኣለሙ ስሜ ኦዴፓ ናይቲ ውድብ ውሽጣዊ ጉዳያት ብዝምልከት ዓሙቕ ምይይጥን ገምጋምን ምክያዱ ገሊፆም።

ኣብ መስርሕ ለውጢ ህንፀት ዴሞክራሲ ፅቡቕ ምጅማር ከምዘሎ ምግምጋሙን ኩሉ ዓቕሙ ፀንቂቑ ክጥቀም ከምዘይክኣለ እቲ ፓርቲ ምግምጋሙ ዶ/ር ኣለሙ ሓቢሮም።እቲ ፓርቲ ኣጋጢሞምና ዝበሉዎም ናይ ለውጢ ብድሆታት ምግምጋሙ’ውን ተፈሊጡ’ሎ።