ዋሽንግተን —
ትካል ስደተኛታት ሕቡራት ሃገራት ኣብ ሞዛምቢክ ግዝኣት ካቦ ዴልጋዶ ዝካየድ ዘሎ ጎንፂ ብቅልጡፍ ደው ክብልን መፍትሒ ክርኸቦን እንተዘይተኻኢሉ ኣብቲ ኸባቢ ዝኸፍአ ጥፍኣት ክበፅሕ ይኽእል እዩ ኢሉ ።
ካብቶም ዝተመዛበሉ 90% ዝኾኑ ኣብ ከባቢ ከተማ ምስ ፈተውቶምን ኣዝማዶምን ተፀጊኦም ዝርከቡ ኮይኖም 10% መፀግዒ ስኢኖም ኣብ ዘስካሕክሕ ኩነታት ከምዝርከቡ ነቲ ኸባቢ ተዓዚቦም ዝተመልሱ ክልተ ሰበስልጣናት ትካል ስደተኛታት ሕቡራት ሃገራት ሓቢሮም ።
መንግስቲ ኣብ ዝሓለፈ ዓመት ወርሒ ታሕሳስ ረዲኤት ካብዝሃቦም ወፃኢ ዝረኸብዎ ሓገዝ ብዘይምህላዉ ሱራሱርን ቆፅላ መፅሊን እናበልዑ ህጻናት ንሕማም ይቓልዑ ኣለዉ ኢሎም።
