ኣብ ምዕራብ ሸዋ ኣብ መመረቕታ ሚሊሻ ብዘጋጠመ መጥቓዕቲ ነታጒ 4 ሰባት ሞይቶም

ኣብ ምብራቅ ሽዋ፣ ኣብ መመረቕታ ስልጠና ዝወድኡ ሚሊሻ ብሰንኪ ዝተደርበየ ነታጒን ዝወረደ ጉድኣትን ብዝተኣሳሰር፣ ሰለስተ ጥርጡራት ከምዝተኣሰሩ ተፈሊጡ።

ኣመሓዳሪ’ቲ ከባቢ ኣቶ መሓመድ በሪሶ በቲ ቀዳም ዝተፈጸመ መጥቃዕቲ፣ ንወዲ 12 ዓመት ቆልዓ ሓዊሱ፣ ህይወት ኣርባዕተ ሰባት ምጥፍኡን ብርክት ዝበሉ ምቁሳሎምን ሓቢሩ።

ኣብ ምብራቅ ሽዋ ተመሳሳሊ መጥቓዕቲ ኣብ ውሽጢ ሰሙን ንካልኣይ ጊዜ ከምዝተፈጸመ፣ ዝሓለፈ ቅነ’ውን ኣብ ወረዳ ፈንታሌ ብሰንኪ ዘጋጠመ መጥቃዕቲ ተኹሲ፣ትሸዓተ ሰባት ከምዝተቀትሉን ንፈጸምቱ ንምሓዝ ይስራሕ ከምዘሎን ተሓቢሩ'ሎ።