ጀነቫ —
ኣብ ዋና ከተማ ሊብያ ትሪፖሊ ኣብ ሓደ መዳጎኒ ማእከል ስደተኛታት ምስ ሓለውቶም ዘካየድዎ ጎንጺ ዝተሓወሶ ግጭት ሓያለ ስደተኛታት ምቁሳሎም ጸብጻባት ትካል ስደተኛታት ሕቡራት ሃገራት ሓቢሮም።
ኣብ ማእከላት መዳጎኒ ስደተኛታት ሊብያ ብኣሽሓት ዝቑጸሩ ስደተኛታትን ፍልሰተኛታት ብዘስካሕክሕ ኩነታት ተታሒዞም ከምዘለው ይግለጽ። በዚ ኹነታት ኣተሓሓዛ ዝተበሳጨውን እቲ ሕማቅ ኣተሓሕዛ’ውን መወዳእታ ዘለዎ ብዘይምምሳሉን እቶም ስደተኛታትን ፍልሰተኛታት ብቁጠዓ ከምዝተለዓዓሉ ዝተገልጸ ኽከውን ከሎ ፖሊስ ነዚ ህውከት ሓዘል ተቓውሞ ደው ንምባል ኣብ ዝተንቀሳቀሰሉ ኣስታት 50 ዝኾኑ ስደተኛታት ከምዝቆሰሉን 2 ድማ ብጽኑዕ ቆሲሎም ኣብ ሆስፒታል ከምዝተዓቖቡ ወሃቢት ቃል ትካል ስደተኛታት ሕቡራት ሃገራት ጨንፈር ሻቢያ ማንቶ ገሊጸን።
