ኣብ መላእ ክልል ትግራይ ሓይሊ ኤሌትሪክ ምቁራጹ ተሓቢሩ

መንግስቲ ኢትዮጵያ "ተረፍመረፍ ጁንታ" ኢሉ ዝጽውዖም ዕጡቓት ብዝፈጸምዎ መጥቃዕቲ ኣብ ምሉእ ክልል ትግራይ ሓይሊ ኤለክትሪክ ዳግም ከም ዝተቛረጸ ኣፍሊጡ።

ከም ጸብጻብ ኣገልግሎት ዜና ፋና፡ እቲ መጥቃዕቲ ኣብ ዓዲ ጉዶም ዝተባህለ ከባቢ- ካብ ኣላማጣ-ንመኾኒ- ንመቐለ ኣብ ዝተዘርግሐ ልዑል ሓይሊ ኤለክትሪክ መተሓላለፊ መስመር : ከም ዝተፈጸመ`ውን መንግስቲ ኣፍሊጡ`ሎ።

እቲ መስመር ቅድሚ ሎሚ ከቢድ ጉድኣት ወሪድዎ ከምዝነበረን ንምዕራዩ ድማ ንውሕ ዝበለ ግዜ ከምዝወሰደን`ውን ይገልጽ።

ክልል ትግራይ ፡ሓይሊ ኤለክትሪክ ካብ ዝረኽበሎም መስመራት ሓደ-መስመር ኣላማጣ-መኾኒ-መቐለ`ዩ ዝበለ እቲ ሓበሬታ ፋና- መስመር ተከዘ ኣኽሱም`ውን ኣብ ምትዕርራይ ከምዝነበረ ምግላጹ ይዝከር ይብል።

በዓል-ስልጣን ሓይሊ ኤለክትሪክ ኢትዮጵያ፡ ነቲ ዝዓነወ ትሕተ ቅርጺ ዳግም ብምጽጋን መሊሱ ሓይሊ ንኽጅምር ይሰርሕ ምህላዉ ምግላጹ`ውን ኣገልግሎት ዜና ፋና ጠቒሱ`ሎ።