ኣምባሳደር ኣሜሪካ ኣብ ሕቡራት ሃገራት ኒኪ ሄለይ ካብ መዝነተን ለቒቐን

ኣምባሳደር ኣሜሪካ ኣብ ሕቡራት ሃገራት ኒኪ ሃለይ ካብ መዝነተን ምልቃቐን ተገሊጹ።

ንሰን ነዚ ዘፍለጣ ሎሚ ሶሉስ ኣብ ቤት ጽሕፈት ፕረዚደንት ትራምፕ ኣብ ቤተ መንግስቲ ዋይት ሃውስ ኮይኑ ክሳብ መወዳእታ’ዚ ዓመት’ዚ ኣብ መዝነተን ከምዝጸንሓ’ውን ሓቢረን ኣለዋ።

ኒኪ ሃለይ “ናይ ህይወት ዘመን ኽብሪ’ዩ” ክብላ ንመዝነተን ዝገለጻ ክኾና ከለዋ ፕረዚደንት ትራምፕ ብወገኖም “ዝድነቕ ስራሕ ሰሪሕኺ ኢኺ፡ ክናፍቐኺ ኢና “ ኢሎም።

ብተወሳኺ ንሶም ኣብ ገለ እዋን ክትምለሲ ተስፋ ንገብር ድሕሪ ምባል ኣብ ምምሕዳሮም ኣብ ካልእ መዝነት ከገልግላ ከምዝኽእላ ሓቢሮም ኣለው።

ንሰን ግን ዝመጽእ መደበን ዝምልከት ኣብ ውሳነ ከምዘይበጽሓ ገሊጸን ኣለዋ።