ዋሽንግተን —
ኣብ ነፍሲ ወከፍ ዓመት፡ መጨረሽታ ሓሙስ ወርሒ ሕዳር፡ ኣሜሪካውያን `መዓልቲ ምስጋና` ከኽብሩ ዕረፍቲ ይውዕሉ። ኣብ`ዚ ዕለት`ዚ`ውን ስደተኛታት ምስ ባህልን መግብን ኣሜሪካ ናይ ምልላይ ዕድል ይረኽቡ። እዚ ኣብ 1621 ዓ.ም ከም ዝጀመረ ዝንገረሉ በዓል፡ ካብ ኣውሮጳ ዝመጹ ሰፋሮ ኣብ ክፍለ-ግዝኣት ማሳቹሰትስ ምስ ኣተዉ፡ ንዝርኣይዎ ሓፊስ ምህርቲ ቀውዒ ንምምስጋን ብዘኽበርዎ ፈስታ ከምዝተጀመረ ታሪኽ የዘንቱ።
እዚ ኣከባብራ`ዚ፡ ነቲ ዝነበረ በሰላ ኩናት-ሕድሕድ ንምሕዋይ ብዝብል እምነት ኣብ ግዜ ፕረዚደንት ኣብርሃም ሊንከን ሃገራዊ በዓል ኮይኑ ክኽበር ተኣዊጁ።
መዓልቲ ምስጋና፡ ናብ ኣሜሪካ በብግዚኡ ንዝኣትዉ ሰደተኛታት`ውን ምስ ባህልን ልምድን`ዛ ሃገር ናይ ምልላይ ዕድል ይፈጥረሎም።
ድምጺ ኣሜሪካ ነዚ መዓልቲ`ዚ ኣመልኪቱ ዘዳለዎ ጸብጻባት ኣብዚ ምስማዕ ይክኣል።
