ዋሽንግተን —
ኣብ 2020 ቁጽሪ ኣብ መላእ ዓለም ዝተአሰሩ ጋዜጠኛታት 274 ምብጽሑ ተገሊጹ ። ንደሕንነት ጋዜጠኛታት ዝሕለቕ ትካል ናፅነት ፕረስ ዘካየዶ መፅናዕቲ ዓመታዊ ዳህሳስ ከምዘመላኽቶ ቻይና፣ ቱርኪን ግብፂን እተን ንጋዜጠኛታት ዝሓሰማን ዝለዓለ ቁፅሪ ጋዜጠኛታት ዝ አሰራን ኮይነን ኣለዋ ።
ኣብ ቤላሩስን ኢትዮጲያን ዘሎ ዘይምርግጋኣት'ውን ንምእሳር ጋዜጠኛታት ምኽንያት ኮይኑ እዩ ። ከምኡ'ውን ኣብ ኣሜሪካ ብዝካየዱ ሰልፍታት ተቓውሞ ስዒቡ ተራእዩ ብዘይፈልጥ ልዑል ቁፅሪ ዘለዎም ጋዜጠኛታት ተኣሲሮም እዮም ።
ኣብ ቻይና ቫይረስኮረና ኣብዝተራእየሉ እዋን ጋዜጠኛታት ውሽጢ ዓዲ ብዛዕብኡ ዝረኸብዎ ሓበሬታ ናብ ማሕበራዊ ሚድያ ብምውፀኦም ቤይጂንግ ናብ ቤት ማእሰርቲ ኣውሪዳቶም እያ ። ነዚኦምን ዝኣመሰሉን ጉዳያት ዘልዓሉ 274 ጋዜጠኛታት ኣብ 2020 ብደረጃ ዓለም ከምዝተኣስሩ ትካል ናፅነት ፕረስ ንደሕንነት ጋዜጠኛታት ዘውፀኦ ሓበሬታ የርኢ ።
