ክርከብ ዝኽእል መራኸቢታት

ብሪጣንያ ኣብ ናይ ግጭት ዞባታት ክታበት ቫይረስኮሮና ንምብጻሕ ተኹሲ ደው ናይ ምባል ስምምዕ ትጽውዕ


ፋይል- ሚንስተር ጉዳያት ወጻኢ ብሪጣንያ ዶሚኒክ ራዓብ

ብሪጣንያ ኣብ ግጭት ዘለዉ ከባቢታት ዝርከቡ ብሚልዮናት ዝቑጸሩ ሰባት ንክታበት ኮቪድ ዕድል መታን ክረኽቡ፡ ውዕላት ምቁራጽ ተኹሲ ክግበር ባይቶ ጸጥታ ሕቡራት ሃገራት ውሳነ ከሕልፍ ክጽውዕ`የ ትብል ኣላ-።

ሚንስተር ጉዳያት ወጻኢ ብሪጣንያ ዶሚኒክ ራዓብ፡ ነዚ ቫይረስ`ዚ ንምስዓር ብሓባር ተወሃሂድና ክንሰርሕ ሞራላዊ ግዴታ ኣለና ኢሉ።

ብሪጣንያ ነዚ ወርሒ`ዚ ነቲ 15 ሃገራት ዝኣባላቱ ባይቶ ጸጥታ ሕ/ሃ ብፕረዚደንትነት ትመርሕ ዘላ`ያ።

ሕቡራት ሃገራት ንምዕሩይ ዕድላት ክታበት ኮቪድ 19 ክደፍእ ጸኒሑ`ሎ። ሚንስተር ጉዳያት ወጻኢ ብሪጣንያ ልዕሊ 160 ሚልየን ሰባት ኣብ ሓደጋ ምስኣን ክታበት ኮቪድ ኣለዉ-ብፍላይ ኣብተን ግጭታት ዘለወን ከም የመን:ሶርያ: ደቡብ ሱዳንን ኢትዮጵያን ዝበላ ኢሉ።

ስለዚ እቲ ክታበት ተቐሪቡ ንዝርግሐ ድልው ኣብ ዝኾነሉ እዋን፡ ንድሕነትን ጸጥታን`ቶም ከተብትን ተኸተብትን ተባሂሉ ግዜያዊ ምቁራጽ ተኹሲ ክግበር ኣለዎ ኢሉ።

እዚ ኣገባብ`ዚ ኣብ 2001 ኣብ ኣፍጋኒስታን ንኣስታት ሽዱሽተ ሚልየን ቆልዑት ክታበት ፖሊዮ ኣብ ምሃብ ከም ዝተሰርሓሉ`ውን ብሪጣንያ ተዘኻክር።

ቅድሚ ሎሚ ብዋና ጸሓፊ ሕቡራት ሃገራት ኣንቶንዮ ጉተረዝ ቀሪቡ ዝነበረ ተመሳሳሊ ጻውዒት ምቁራጽ ተኹሲ ዘይምስምማዕ ኣጋጢምዎ ምናብሩ ይዝከር።

እዚ ሎሚ ረቡዕ ክካየድ ተመዲቡ ዘሎ ኣኼባ ባይቶ ጸጥታ- ቅድሚቲ ድሕሪ ጽባሕ ዓርቢ ዝካየድ ዋዕላ መራሕቲ ጉጅለ 7ተ`ዩ ዝኸውን ዘሎ-ንዕኡ ትመርሖ`ውን እንግሊዝ`ያ- ኣብ ኮቪድ 19 ክተተኩር ትጽቢት ኣሎ።

ርእይቶታት ንምርኣይ

XS
SM
MD
LG