ብልጽግና ፓርቲ ክልል ኣምሓራ ምድላዋት ምርጫ ምዝዛሙ ገሊጹ: ኣብ ክልል ዓፋር ንመስርሕ ምርጫ ዝምልከት ናይ ተቓውሞ ሰልፊ ተኻይዱ

ብልፅግና ፓርቲ ክልል ኣምሓራ ሎሚ ዓመት ኣብ ዝካየድ ሃገራዊ ምርጫ ንምስታፍ ምድላዋቱ ወዲኡ: ጎስጓስ ወፍሪ ምርጫ ትማሊ ወግዓዊ ገይሩ።

እቲ ፓርቲ ፕሮግራሙን ናይ ምርጫ መልእኽትታቱን ከምኡ እውን ንቤት ምክሪ ክልልን ሃገራዊ ቤት ምኽሪ ወከልቲ ህዝቢን ዘቕረቦም ሕጹያት ንህዝቢ ዕላዊ ገይሩ ኣሎ።

ኣብ ቀንዲ ከተማታት ደብረ ማርቆስ፣ ደሴ፣ ጎንደን ባህርዳርን ብዝተፈላለዩ ስነስርዓት ዝተዓጀቡ ወፍሪ ምርጫ ናይ ምጅማር ፕሮግራም ተኻይዱ ኣሎ ።

ብኻልእ ወገን ኣብ ክልል ሶማሌ ዞባ ሲቲ ቦርድ ምርጫ ኣብ ሸሞንተ ጣቢያታት ኣብ ዝርከቡ ሰላሳ ናይ ምርጫ ማእኸላት ምርጫ ንዘይምክያድ ዘሕለፎ ውሳነ ብምቅዋም ሰልፊ ተኻይዱ።

ናይ ኢሳ ጎሳ ኡጋዛዊ ቤት ምኽርን ዓበይቲ ዓዲ እቲ ከባቢን ነቲ ውሳነ ኮኒኖምዎ ኣለው።

ኣብ ቦርድ ምርጫ ኢትዮጵያ ዳይሬክተር ኮሚኒኬሽን ሶሊያና ሽመልስ ኣብ ዝሓለፈ ዓርቢ ምስ ድምጺ ኣሜሪካ ኣብ ዘካየደቶ ቃለ ምልልስ እቲ ውሳነ ከይዲ ናይቲ ምርጫ መንቀሊ ግጭት ከይኸውን ንምክልኻል እምበር ሸሞንተ ጣቢታት ንዓፋር ወይ ንሶማሌ ዝግብኡ እዮም ንምባል ኣይኮነን ምባላ ይዝከር።