ቤት ፍርዲ ብሪጣንያ መስራቲ ዊኪሊክስ ናብ ኣመሪካ ክርከብ ዝብል መጎተ ክፉት ገዲፍዎ

ቤት ፍርዲ ብሪጣንያ፡ መስራቲ ዊኪሊክስ ጁልያን ኣሳንጅ ናብ ኣመሪካ ንኽርከብ ንዝብል መጎተ ክፉት ገዲፍዎ።

ታሕታዋይ ቤትፍርዲ ብሪጣንያ ጁልያን ኣሳንጅ ዘለዎ ናይ ኣእምሮ ጸገም ጥዕና ፡ ንገበናዊ ስርዓት ክሲ ኣመሪካ ክጻወር ዝኽእል ኣይኮነን ብዝብል እቲ ምርካብ ዝብል ነጺግዎ እንተበረ`ኳ፡ ድሕሪኡ ድማ ላዕላዋይ ቤት ፍርዲ ነቲ ብይን ገልቢጥዎ`ዩ።

ሕጂ ድማ ናይ ይግባኝ ቤት ፍርዲ ነቲ ይረከብ ዝብል ጉዳይ ክፉት ገዲፍዎ`ሎ፡ ግን እዚ`ውን ይግባኝ ክመጾ ትጽቢት ይግበር። መስራቲ ዊኪሊክስ ጁልያን ኣሳንጅ፡ ምስጢራዊ ሰነዳት ኣመሪካ ዝዘርግሐ ምዃኑ ይፍለጥ።