በዓል ቅዱስ መስቀል ኣብ ኢትዮጵያን ኤርትራን ተኸቢሩ

በዓል ቅዱስ መስቀል ኣብ በበይኑ ከባቢታት ኢትዮጵያ ብኽብ ዝበለ ስነ-ስርዓት ከም ዝተኽብረ ጻብጻባት ልኡኻት ድምጺ ኣመሪካ ካብ ኣዲስ-ኣበባ፣ ካብ ወልቂተ፣ ካብ ባህር-ዳር፣ ካብ ደሴ፣ ካብ ኣምቦን ካብ ድሬዳዋን የመልክት።

እዚ ይዅን እምበር፡ ኣብ መቐለን ዓዲ-ግራትን ብድምቀት ዝኽበር ዝነበረ በዓል ሎሚ ዓመት ግን ኣብ ኣደባባይ ዘይኰነስ ኣብ ውሽጢ ቀጽሪ ቤተ-ክርስትያናት ጥራይ ተሓጺሩ፡ ብንኡስ ዓቕሚ፡ ከም ዝተዘከረ ልኡኽን ድምጺ ኣመሪካ ካብ መቐለ ጸብጺቡ።

በዓል ቅዱስ መስቀል ብተመሳሳሊ ኣብ ኣስመራ፡ ኣብ ርእሲ ኣድባራት ደብረጽዮን ቅድስቲ ማርያም ዝተኻየደ ናይ ዳሜራ ስነ-ስርዓት ብውሱን ተሳትፎ ከም ዝተኻየደን ወኪልና ካብ ኣስመራ ልኢኹ ኣሎ።