በረራታት ሉፍታንዛ ፍራንክፈርት ተዓናቒፉ ውዒሉ

ካብቶም ዝዓበዩን ብዓለም ደረጃ’ውን ቀዲሞም ዝስርዑን ማዕርፎ ነፈርቲ ፍራንክፈርት ጀርመን ኣብ ስራሓት ህንጻ እቲ ማዕርፎ ነፈርቲ ብዘጋጠመ ምትዕንቓፍ ኵላቶም ካብን ናብን ዝመጽኡ በረርታት ሉፍታንዛ ክስርዝን ናብ ካልእ ከማእዝንን ከም ዝወዓል ኣገልግሎት ዜና ኣሶሴይትድ ፕረስ ኣስፊሩ።

ሰብ-መዚ ማዕርፎ ነፍርቲ ንኣገልግሎት ዜና ኣሶሴይትድ ፕረስ ከም ዝሓበሩ፡ እቲ ጸገም፡ ኣብ ስርሓት ምትዕርራይ ህንጻ እንከለዉ፡ ናብቲ ማዕርፎ ነፈርቲን ቤት ጽሕፈት ሉፍታንዛን ዝኸይድ መስመር ቴለፎን ድሕሪ ምብታኹ’ዩ።

ብሰንኪ ዝሰዓበ ናይ መራኸቢታት ምብልሻው ድማ ኵላተን ናይ ውሽጢ ዓዲ ናይ ረቡዕ በረራታት ሉፍታንዛ ክዝረዝ ከም ዝተገብረ ተሓቢሩ። ኣብ ማዕርፎ ነፈርቲ ፍራንክፈርት ክዓልባ ዝተመደባ ነፈርቲ ድማ ናብ ካልእ ጎረባብቲ ማዕርፎታት ክምእዘና ውዒለን።

እቲ ዝተባላሸወ መስመር ኣማስኡ ተዓርዩ’ዩ።