ስነ-ስርዓት ቀብሪ ንግስቲ ኤልሳቤጥ ተኻዪዱ

ወግዓዊ፡ መንግስታዊ ቀብሪ ንግስቲ ኤልሳቤጥ ካልኣይቲ ሎሚ ሰኑይ መራሕቲ ብዙሓት ሃገራት ኣብ ዝተረኽቡሉ ኣብ ሎንዶን ተኻዪዱ።

ሬሳ ንግስቲ ኤልሳቤጥ ንመዓልታት ህዝቢ ንኽርእዮን ክበጽሖን ኣብ ምርኢት’ዩ ቀንዩ።

ኣብዚ ናይ ሎሚ ወግዓዊ ስነ-ስርዓት ቀብሪ ፕረዚደንት ኣመሪካ ጆ ባይደንን በዓልቲ-ቤቶም ጂል ባይደንን’ውን ተረኺቦም ነይረን። ኣብቲ ወግዓዊ ስነ-ስርዓት ቀብሪ፡ ክልተ ሽሕ ዝበጽሑ መራሕቲ ሃገራትን ካልኦት ኣገደስቲ ሰባትን ከም ዝተሳተፉ ተፈሊጡ ኣሎ።

ድሕሪ’ቲ ወግዓዊ ቀብሪ፡ ሬሳ ንግስቲ ኤልሳቤጥ ካልኣይቲ ብንጉስ ቻርለስ ሳልሳይን ስድራቤቱን ተሰንዩ ናብቲ ዝዓርፈሉ ዊንድሶር ኣምሪሑ። ኣብኡ ሬሳ ንግስቲ ኣብ ጎድኒ በዓልቤተን ክቕበር’ዩ።

ስነ-ስርዓት ምፍናው ሬሳ ንግስቲ ኤልሳቤጥ ንመዓልታት ከምዝቕጽል ዝፍለጥ ኰይኑ፡ ገለ ዝርዝር ካብቲ ዝተኻየደ ስነ-ስርዓት ምፍናው ባዕለን እተን ንግስቲ ዘውጽአኦ መደብ ምዃኑ ተፈሊጡ ኣሎ።