ሰናዓይን መሃዛይን ፊሊሞን ኪሮስ

ፊሊሞን ኪሮስ፡ ኣብ ዞባ ደቡብ ከተማ መንደፈራ ተወሊዱ ዝዓበየ ናይ ኤለክትሮኒክስ ተክኒሻን’ዩ። ኣብ ከባቢኡ ንዝርእዮም ሕጽረታትን ጸገማትን ሕብረተሰብ ኣብ ምፍታሕ ዝሕግዙ ሓደስቲ ነገራት ኣብ ምስናዕ ከኣ ይነጥፍ።

ነቲ ናይ ስንዓን ምህዞን ስርሓቱ ፡ኣብ ከባቢኡ ካብ ዝረኽቦም ዘገልገሉ ኣቑሑን ኣብ ድኳናት ብቐሊሉ ዝርከቡ ነገራትን ኣወሃሂዱ ከምዝሰርሖ ዝዛረብ መንእሰይ ፊሊሞን፡ ቅድሚ ሕጂ ብርክት ዝበሉ ነገራት ከምዝሰንዐን ኣብ’ዚ ቀረባ እዋን ከኣ በውሑድ ተተካኢ ጸዓት፡ ኣብ ሞባይልን ተመሳሳሊ ናይ ኤለክትሮኒክስ ኣቑሑን፡ ተለቪዥን ንምርኣይ እትሕግዝ መሳርሒት ከም ዝሰንዐን ይገልጽ።