ዋሽንግተን —
ምኽትል ቀዳማይ ሚንስትርን ሚንስትር ጉዳያት ወፃኢ ኢትዮጵያ ደመቀ መኮነን ኣብ ኣዲስ ኣበባ ንዝመደብሮም ማሕበረሰብ ዲፕሎማሲን ዓለምለኸ ትካላትን ኣብ እዋናዊ ሃገራዊ ጉዳያት ኣመልኪቶም መብርሂ ምሃቦ መንግስታዊ ኣገልግሎት ዜና ኢትዮጵያ ገሊፁ።
መንግስቲ ኢትዮጵያ ኲናት ሰሜን ኢትዮጵያ ብሰላም ንምፍታሕ ድልው ምዃኑ ምግላፆም ኣብቲ መብርሂ ዝተሳተፉ ወሃቢ ቃል ሚንስትሪ ጉዳያት ወፃኢ ኣምባሳደር መለስ ኣለም ንጋዜጠኛታት ገሊፆም።
ኢትዮጵያ ልኡላዊነታ ንምሕላውን ግዝኣታዊ ሓድነታ ንምርግጋፅን ኣብ እትወስዶ ስጉምቲ ዝግበር ዝኾነ ይኹን ዓይነት ተፅዕኖ ከምዘይትቕበል ምግላፆም እውን እቲ ዜና ይሕብር ።
