ኣስመራ —
ሻም መስፍን ብዓውዲ ምህንድስና ኮምፕዩተር ተመሪቑ ከም ክኢላ ሓበሬታ ቴክኖሎጂ ኮይኑ ኣብ ምስራሕ ዝረከብ ኣብነታዊ መንእሰይ`ዩ።
ጎን ጎኒ ስርሑ ኣብ ጥቕሚ ሕብረተሰብ ዝውዕሉ ዝተፈላለዩ ሶፍትዌራትን መተግበሪ ኣፕልኬሽናትን ብምድላው ጸገማት ሕብረተሰብ ንምፍታሕ ከይደቀሰ ዝሓድርን ወትሩ ሓደሽቲ ነገራት ኣብ ምፍጣር ኣብ ጻዕሪ ዝርከብን ዕዉት መንእሰይ`ዩ።
ቅድሚ ሕጂ ምስ ሓሙሽተ ብጾቱ “`ናትና ኦፕሬቲን ሲስተም` ዝሰመይዋ ብቐሊሉ ብትግርኛን እንግሊዝኛን ንክትጥቀመላ ትሕግዝ ስርዓት ከምኡ`ውን ንመባእታ ተማሃሮ ዘገልግላ ናይ ትግርኛን ቁጽርን መምሃሪ ሶፍት ዌር ምስ ካልኣዩ ሰሪሑ።
እተን ስርሓት ኣብ ዝሓለፈ ዓመታዊ ፈስቲቫል ኤርትራ`ውን ተሸሊመን`የን ።ኣብ`ዚ ሕጂ እዋን ከኣ ንሕሙማት ሽኮርያ፡ንስነ-ጥበባውያን ዝሕግዙ ስርሓትን ዘረባ ናብ ጽሑፍ ትቕይር ሶፍት ዌርን ኣዳልዩ`ሎ።
ምስ ሻም ዝተገብረ ዕላል ኣብዚ ምስማዕ ይክኣል።
