ዋሽንግተን —
ሚንስትሪ ምክልኻል ኣውስትራልያ፡ ምስ ኮሚንስት ፓርቲ ቻይና ምትእስሳር ዘለዎም ትካላት ዝገጠምዎ ካሜራታት ካብ ህንጻታት ከምዘልግሶም ኣፍሊጡ። ቅድሚ ሎሚ`ውን ኣመሪካን ብሪጣንያን ተመሳሳሊ ስጉምትታት ወሲደን`የን።
ብመሰረት ሓደ ጋዜጣ ኣውስትራልያ፡ብ `ሂኪቪጅን ኤንድ ዳዋ ዝብሃል ቻይናዊ ኩባንያ 913 ካሜራታት፡ ኢንተርኮማት ኤለክትሮኒካዊ መእተዊ ስርዓታትን ኣብ ትካላት መንግስቲ ኣውስትራልያ ተተኺለን ኣለዋ።
ብዛዕባ`ቲ ውሳነ ኣውስትራልያ ዝተሓተተ ወሃቢ-ቓል ሚንስትሪ ጉዳያት ወጻኢ ቻይና፡ እቲ ውሳነ፡ ግጉይ ኣሰራርሓን፡ ንስነ-ሓሳብ ሃገራዊ ጸጥታ ልዕሊ ዓቐን ዝመጠጠን፡ ኣንጻር ትካላት ቻይና ዝግበር መንግስታዊ በደል ዘጉልሕን`ዩ ክብል ነቒፍዎ`ሎ።
