መንግስቲ ብሪጣንያ ዜጋታቱ ካብ ኢትዮጵያ ብህጹጽ ክወጹ ሓቢሩ

መንግስቲ ብሪጣንያ ብረቡዕ ኣብ ዘውጽኦ ናይ መዘኻኸሪ ጻውዒት፡ ኣብ ኢትዮጵያ ስእነት ጸጥታ እናገደደ ይመጽእ ብምህላዉ፡ ኣብታ ሃገር ዘለዉ ዜጋታቱ ብቕልጡፍን ብዘይ ቅድመ-ኵነትን ክወጹ ሓቢሩ።

ኣገልግሎት ዜና ሮይተርስ ከም ዘመልከቶ፡ ሚኒስተር ጉዳያት ኣፍሪቃ ዝዀነት ቪኪ ፎርድ፡ ኣብ ዝመጽእ መዓልታት ኲናት ናብ ኣዲስ-ኣበባ እናቐረበ ክመጽእ ከም ዝኽእል ብምምልካት፡ ድሕሪኡ ዜጋታት ምውጻእ ክኸብድ ምዃኑ ኣመልኪታ'ላ።

እታ ሚኒስተር“እቶም ክጸንሑ ዝመረጹ ንዝመጽእ ሰሙናት ውሑስ መከላኸሊ ነብሶም ክፍትሹ ኣድላዪ’ዩ፡” ኢላ ። ብኣገላልጻ ሚኒስተር ፎርድ ድማ እቶም ዜጋታት ከምቲ ዝተሓበሮም ምስ ዘይገበሩ፡ ኣብ መጻኢ ካብ ኢትዮጵያ ንምውጻእ መንግስቶም ከውሕስ ከም ዘይክእል ጠቒሳ።